Во организација на Библиотекарското здружение на Србија, Секција за дигитална трансформација на библиотеките од 14 до 16 април се одржа Првата меѓународна онлајн конференција за дигитална трансформација во културата и образованиет https://digital.bds.rs/conference-2021 Конференцијата ја отвори Кристин Мекензи, претседателка на ИФЛА, а фокусот беше ставен на теми како ИТ инфраструктура во институциите од културата и образованието, дигитализацијата и дигиталните колекции, веб и социјалните мрежи, електронските каталози и апликации, професионален развој во дигиталната ера и друго. Во текот на конференцијата преку Zoom платформата своите трудови ги претставија 53 автори од 24 земји меѓу кои САД, В. Британија, Русија, Холандија, Италија, Полска, Белорусија, Хрватска, Словенија, Грција, Романија и др. На првиот ден од конференција во рамки на секцијата Дигитални колекции се претстави и Центарот за дигитализација при НУ НУБ „Св. Климент Охридски “ Скопје. Во презентацијата „Италијанската дигитална библиотека во Северна Македонија - Biblioteca digital e italiana in Macedonia del Nord (БИМ)“ претставена беше најновата дигитална колекција достапна преку порталот на Дигиталната библиотека на Македонија (dlib.mk), која заедно со останатите збирки е составен дел од највредната дигитална колекција на библиотечни фондови во државата. Конференцијата ја следеа преку 300 посетители на платформата, а имаше и преку 1300 прегледи на YouTube каналот. Презентацијата на англиски и македонски јазик е достапна на следниот линк: https://www.youtube.com/watch?v=dH145xnwTM4/view href=" https://www.youtube.com/watch?v=dH145xnwTM4//view